Los Duendes antzerki talde valentziarra Topic zentroko oholtzan izango da, bihar, 18:30ean, Titirijuegos obrarekin. Hiru urtetik aurrerako haur eta gaztetxoei begirako antzerkia da, eta Willy iratxoa izango da protagonista; Terramar izeneko lurralde sorgindutik ipuinak hartu eta haurrei kontatzen dizkie berak.
Topic-eko antolatzaileek azaldu dutenez, Alberto Cebreirok zuzentzen duen konpainiaren obrako gertakizunak sinpleak dira, baina ikus-entzuleen parte-hartzea erabatekoa izatea lortzen dute Los Duendes taldekoek. Horrela beraz, haur eta gaztetxoek istorioko haria gidatuko dute, nolabait.
Aipatzeko da, Los Duendes taldeak Terrassa-ko (Herrialde Katalanak) txotxongilo jaialdiko ikuskizun onenaren saria jaso zuela antzezlan honekin, besteak beste.