Tolosako Foro Errepublikarrak deituta, eta gaur Eibarren errepublika aldarrikatu zela 81 urte betetzen direla-eta, ekitaldia egin dute Tolosako hilerrian, frankismoaren biktimen omenez jarritako oroigarrian. Garbiñe Biurrunek eta Jesus Mari Penillak hitz egin dute, eta besteak beste, hirugarren errepublika aldarrikatu dute. Ondoren egin dute lore eskaintza, eta lehenengoa Ibai Iriarte Tolosako alkatea izan da. Ondoren zenbait herritarrek utzi dituzte loreak oroigarriaren aurrean. Guztira 30 pertsona inguru elkartu dira, tartean zenbait alderdietako kideak.
Oroigarrian eginiko ekitaldiaren ondoren, Trianguloa plazan izan dira Foro Errepublikarraren kideak banderak eta pinak salduz, eta hirugarren errepublika aldarrikatzeko mozio bat aurkezteko sinadurak biltzen. Eguneko ekitaldiekin amaitzeko, bazkaltzeko bildu dira Fronton jatetxean.