Gipuzkoako infantil mailako judo txapelketa jokatu berri da, eta tolosarrek emaitza onak lortu dituzte, hiru urrezko domina eta zilarrezko eta brontzezko bana lortuta itzuli baitira etxera.
Enara Amianok maila ona erakutsi zuen lehiatu zen sei probetan, eta urrea eskura izan bazuen ere, brontzearekin konformatu beharra izan zuen.
Eider Calahorra bigarren geratu zen 57 kilokoan. Fin aritu zen, eta zilarra galtzear izan bazen ere azkenean eutsi ahal izan zion.
Lesioaren ondorioz Ane Larrea hainbat hilabetez lehiatu gabe egon ondoren, 63 kilokoan aritu zen, eta Gipuzkoako txapelketa lortu zuen.
Iurre Iraola «ohi bezala» ziurtasunez eta indartsu lehiatu zen, eta «erraztasunez» lortu zuen urrea.
Bestalde, Ruben Lekuonak ere urrea lortu zuen, 60 kilotan. Erregulartasunez aritu zen txapelketa osoan zehar.