Lizardi elkartearen eta Galtzaundiren arteko elkarlanaren ondorioz, hilaren 16an, ostirala, Bertso-zakuto afaria egingo dute Lizardi elkartean. «Bertso ezagun eta ezezagunak» abesteko aukera dela diote antolatzaileek.
Antton Iztueta altzotarra da ekimenaren bultzatzailea, eta bertan «zakutotik atera eta jendearen aho-belarrietan ipiniz, denak elkarrekin ondo pasatzea» da helburua. Bertso zakutoan musikatutako bertsoak eta musikatu gabekoak biltzen dira, hau da, aspaldiko bertsolarien bertso musikatuak (Bilintx, Xenpelar, Txirrita, Pello Errota…) eta gaur egungo (Lizaso, Lujanbio, Egaña, Peñagarikano) bertsolarien zenbait bertso, bertsozaleen ahotan jartzeko. Afarian parte hartzeko txartelak Xirimiri eta Orbela tabernatan eta Galtzaundi Euskara Taldearen bulegoan daude salgai.