Orbela tabernan beste emanaldi bat izango dute, bihar, Orbelako Gauak zikloaren barruan. Oraingo honetan herri musikaz gozatzeko aukera izango du bertara joaten denak. Arozenatarren Ttun Ttuna taldeak emango du kontzertua, 22:30ean hasita. Hiru anaia oiartzuarrek osatzen dute taldea, eta hauek herri doinu eta bestelakoak ere ekarriko dituzte. Horretarako txistuaz, danbolinaz, gitarraz eta atabalez baliatuko dira. Emanaldian umorea ez dela faltako esan dute antolatzaileek.