Bake Astea ospatuko dute, datorren astean, Hirukide ikastetxean. Aurreko urteetan bezala, asteleheneko jarduerari eman diote garrantzia; eskolarteko bakearen eta biolentziaren aurkako eguna ospatuko dute, Ghandiren heriotzaren urtemuga probestuz. Trianguloa plazan bilduko dira Lehen Hezkuntzako 3. mailatik gorako ikasle eta irakasle guztiak: "Gure eguneroko bizitzan biolentziarik ez dugula nahi adieraziko dugu eta mundu guztian zehar desio hori zabaltzeko asmoa ere bai". Era berean, suziria jaurtiko dute kultur etxeko balkoitik, Bake Asteari hasiera emateko.