Hilabete bat baino gutxiago falta da Inauteriei hasiera emateko. Zaldunita otsailaren 19an da eta karroza eta plataforma prestaketak hasi dituzte. Ferialekuan elkartzen dira inauterizaleak beraien lanak burutzeko, eta dagoeneko ez dago lekurik karroza gehiagorako. Aurten, berritasuna, karroza handienak Usabal industrialdean prestatzen ari direla da. Jokin Monfort udaleko jai teknikariak azaldu duenez, jai batzordeko bileretan bota zen ideia: "Karrozei eta konpartsei ematen zaien dietetatik dirua murriztea, eta pabilioi bat alokatzea erabaki zen bileretan". Usabalgo industriagunean Inauterietan ateratzen diren karroza handienak daude, sei inguru denera.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!