Esna-bidean erakusketari amaiera eman zioten asteburuan. Edoskitzeari buruzko ekimena antolatu dute Carmen Ferro Montiu emaginak eta Altzoan elkarteak Tolosako Aranburu jauregian, eta larunbata izan zen azken eguna. Jende ugari izan zen bertan, bai Itziar Saenz de Ojer ipuin kontalariaren saioan, bai haurrek parte hartu zuten piñatan, eta baita ekimena itxi zuen taldean egindako bular ematean. Ekitaldiez gain, erakusketari azken bisita egiteko aukera izan zuten Aranburura joan zirenek; besteak beste, erakusketak iraun duen bitartean, Ainara Azpiazuk egindako murala ikusi ahal izan zuten.