Tolosaldea Osasun Publikoaren Alde plataformak manifestazioa egin du gaur eguerdian Tolosako kaleetan zehar. Eskualdeko herritar ugari elkartu da bertan. Trianguloa plazatik irten dira manifestazioan, eta San Frantzisko kale guztia hartu dute. 2000 lagun inguruk osasun publikoaren aldeko aldarriak zabaldu dituzte lau haizetara. Herritarrekin batera, eskualdeko udal ordezkariak aurkitzen ziren manifestazioan.