Bedaiotarrek ez dute atsedenik hartzen, eta asteburu honetan ere festa giroa izango du gozatu nahi duen guztiak. Larunbatean, mendi ibilaldi bat egingo dute, «gure artean ez dauden gazteen omenez». Ondoren, San Fermin jai giroa Bedaion jarri nahirik 20:30etik aurrera erromeria izango da Abaetxe jatetxeko lorategietan.
Sagardotegi menua jarriko da, nahi duenarentzat, eta sagardoa txiritik dastatzeko aukera izango da. Nola ez, trikitilariak eta bertsolariak ez dira faltako. Erromeriarako txartelak jarri dituzte salgai. Txartelak eskuratu nahi dituenak, 630 11 42 15 (Izaskun) telefono zenbakira deitu beharko du.
Antolatzaileek denok gonbidatu nahi dituzte, ibilaldian eta erromerian parte hartzera.