Imanol Arias eta Juan Echanove aktoreak Tolosan izan dira, TVEko Un país para comerselo saiorako atal berria grabatzen. Espainian egin ohi dituzte grabaketak saio honetan, baina oraingoan, Euskal Herrira etortzea erabaki dute. Tolosan Urkizuko Alurtxiki Elkartean Roberto Ruize sukaldariak prestatuta babarrun jatea egin zuten. Bi bertsolariren laguntza ere izan zuten bazkaltzerako unean. Ondoren, urkizuarrekin argazkia atera zuten.