Herriko lorezaintzako langileak zuhaitzak berritzen dihardute, urteroko moduan. Dagoeneko San Frantzisko pasealekuan gaixotasun bat zela eta egoera txarrean zeuden hainbat zuhaitz kendu dituzte, eta laster landatuko dituzte berriak.
Zumalakarregi ibiltokian ere akazia batzuk egoera txarrean zeuden, eta aste honetan ari dira langileak zuhaitz horiek kentzen.Datorren astera begira, Berazubiko aldapan ekingo diote lanari, eta bertan dauden hiru lizar, bi sagarrondo eta beste hamabost zuhaixka kenduko dituzte. Martxoaren 12an landatuko dituzte zuhaitz berriak.