Ostiralean, Asier Olaizola eta Ruben Beloki bikoteak, Berasaluze VIII eta Apraizen aurka jokatuko dute Beotibar pilotalekuan. Lehen Mailako Binakako Txapelketako partida izango da. Partida hori jokatu ahal izateko, atzo goizean lau pilotariak Beotibar pilotalekuan elkartu ziren pilotak aukeratzeko.
Binakako Txapelketako final laurdenetako ligaren bigarren jardunaldiko partida izango da. Olaizola I.ak eta Belokik, 104,4, 105,1 eta 105,7 gramoko pilotak aukeratu zituzten. Eta Berasaluze VIII.ak eta Apraizek berriz 106, 106 eta 105,3 gramokoak bereizi zituzten. Bi bikoteek lehen partida galdu egin zuten.
Beotibarren 16:30ean hasita, lehen partida Promozio Binakako BBK Txapelketako finalaurdenetakoa jokatuko da. Olaetxea-Albisu bikotea, Lemuno-Oteiza bikotearen aurka arituko da. Hauen ostean, lehen mailako partida izango da. Pilotaz gozatu nahi duenak aukera izango du.