Pasa den astean Samaniego Ikastetxeko 6. mailako ikasleak Eusko Jaurlaritzak antolatutako Hizkuntzan Murgiltzeko Egonaldian (ingeleseko barnetegia) izan dira. Astelehenetik ostiralera arte Orioko barnetegian egon dira eta "oso gustura" itzuli dira bai ikasleak bai eta irakasleak ere. "Baliagarria" izan dela adierazi dute, "ingelesa praktikatzeko eta hizkuntza honekiko motibazioa areagotzeko". Hasiera hasieratik ingelesa soilik entzun dute eta ezinbestean ingelesez komunikatu behar izan dute. "Bide batez ikasleen arteko harremanak sendotzeko eta lagun berriak egiteko baliagarria izan da".