Fronton kafetegiak antolatuta, X. Mus Txapelketa Azkarra jokatuko dute etzi, larunbatean, Beotibar pilotalekuan 16:30etik aurrera. Bikote bakoitzak 30 euro ordaindu beharko ditu parte hartzeagatik, eta izena emateko fronton@jeub.org helbidera idatzi edota 943 65 14 70 telefono zenbakira dei daiteke. Sari potoloak eskura ditzakete irabazleek: lehenengoek 1.200 euro, txapelak eta garaikurrak lortuko dituzte, bigarrengoek 600 euro eta garaikurrak, hirugarrengoek 300 euro, laugarrengoek 150 euro eta bosgarren, seigarren, zazpigarren eta zortzigarren egiten dutenek, berriz, 100 euro.