Hasi berri da ikasturtea Eduardo Mokoroa Udal Musika Eskolako ikasleentzat, eta dagoeneko jendaurrean lehen urratsak ematera doaz. Hain zuzen ere, ostiral honetan, hilaren 12an emango dute lehenengo kontzertua. Musika Eskolako areto nagusian izango da emanaldia, 18:00etan hasita, eta eurekin batera, gonbidatu bereziak izango dituzte, Donostiako Erdi Mailako Kontserbatorioko klarinete taldeko kideak, hain zuzen. Kasu honetan bezala, kurtsoan zehar Musika Eskola desberdinekin egingo dute elkartrukea.