2024ko urtarrilean jakin zen gizon bat atxilotu zutela Tolosan zuen osteopatia-kontsultan hainbat bezerori sexu-erasoa egiteagatik (bi salaketa egon ziren lehenik, eta tantaka hamar salaketa jaso zituen). Ordutik, behin-behineko espetxealdian dago, epaiketaren zain. Hamar salatzaileetatik bat adingabea zen erasoa jasan zuenean.
Orain jakin da Gipuzkoako Fiskaltzak 43 urteko kartzela-zigorra eskatu duela berarentzat, eta berriz ukatu diotela defentsak bera libre uzteko egindako eskaera. Epaileek diote osteopatak ihes egiteko arriskua dagoela, eta horregatik ukatu dizkiote eskaerak.