Alberto Martinez Osasun sailburuak jakinarazi du Osakidetzak beste 36 ebakuntza gela edo kirofanizatutako prozedura-gela sortuko dituela 2025-2032 Azpiegitura eta Ekipamendu Sanitarioen Programaren barruan. Sailburuaren hitzetan, horrek % 21eko igoera ekarriko duela esan nahi du, gaur egun sareak 170 ebakuntza gela baititu. Helburua osasun pribaturako deribatzeak eta itxaron zerrendak murriztea da. Ebakuntza gela horietatik zazpi Tolosako ospitale berrian egongo dira; Donostia Unibertsitate Ospitaleak eta Zumarragako ospitaleak bosna ebakuntza gela gehiago izango dituzte, eta Bidasoako ospitaleak, bat gehiago. Ospitale berriari buruz orain arte emandako datuen arabera, zentro horretan balio anitzeko 4 ebakuntza gela aurreikusten ziren.
Tolosaldeko ospitale publikoa
Tolosako ospitaleak zazpi ebakuntza gela izango ditu
2026ko urriaren 6a
Alberto Martinez Osasun sailburuak jakinarazi du Osakidetzak beste 36 ebakuntza gela izango dituela datozen urteetan.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!