Txistulariek lehen notak jotzearekin batera, irten dira dantzariak pilotalekura. Harri jasotzaileen txapelketa amaituta, dantzarien txanda izan baita. Bedaioko jaietan bada egitarautik kendu ezin den ekitaldi bat: Ingurutxoa. Eta hala egin dute aurtengoan ere.
Hamalau bikote aritu dira aurtengoan, haur zein heldu. Txistuaren erritmora eta ikusleen txalo zaparraden artean egin dute saio guztia.
Asteartean izango dute azken festa eguna Bedaion. Hona hemen egitaraua:
- 12:00. Meza.
- 14:00. Jubilatuen bazkaria.
- 17:00. Bedaioko pilota txapelketa azkarra.
