Pertsona, talde, elkarte eta sortzaile askoren artean osatzen da herriko kultur bizitza. Horiei guztiei ikusgarritasuna emateko asmoz, Tolosako Udalak Tolosako Kultur Erakusleihoa jarri du martxan. Herriko kultur sortzaileen katalogoa osatu nahi dute, euren jarduerei ikusgarritasuna emateaz gain, kultur eragileen arteko harremanak sustatu eta elkarlana errazteko. Halaber, asmoa da kultur programazioa osatzeko garaian erreferentziazko baliabide bihurtzea.
Parte-hartzea borondatezkoa eta doakoa da. Musika, antzerkia, argazkigintza, artisautza edo beste kultur diziplinaren batean aritzen diren herritarrek eman dezakete izena galdetegi honetan, katalogoaren parte izateko. Ondoren, katalogo hori herritarren eta kultur eragileen eskura jarriko du udalak.