Joan den ostiralean, Santiago bezperan, amaitu zen Tolosa CF 58. Pala Txapelketa. Aurten 33 bikotek parte hartu dute, hiru mailatan banatuta, eta Berazubi estadioko frontoian jokatu dituzte partidak. Ostiralean, hiru final izan ziren: gizonezkoen lehen mailakoa eta bigarren mailakoa, eta emakumezkoena.
Lehen finala gizonezkoen bigarren mailakoa izan zen. Gereñu-Belauntzaran bikoteak 30-24 irabazi zion Alberdi-Aranberri bikoteari. Ondoren, emakumezkoen finalean, Lopez-Aldasoro bikoteak lortu zuen garaipena Karrera-Murua bikoteari irabazita; markagailu estua izan zen amaieran: 30-28. Azkenik, gizonezkoen lehen mailako finala ere markagailu berarekin amaitu zen. Kasu honetan, Eskuderok eta Loidik irabazi zieten Jon Ander eta Odei Arregi anaiei: 30-28.