Caceresen (Espainia) jokatu zen asteburuan 23 urtez azpiko Espainiako Txapelketa, eta Manex Civicok nagusitasunez irabazi zuen 3.000 metro oztopoko proba, 8.59ko denbora eginda. Ane Martin finalista izan zen 1.500 metrotan, eta seigarren postua lortu zuen 4.30eko denborarekin. June Sudupe 5.000 metrotako probako finalean egon zen eta bederatzigarrena izan zen 17.36ko denborarekin. Azkenik, Unax Armendariz 1.500 metrotako finalerdietan geratu zen, eta 3.54ko markarekin 16. postuan amaitu zuen.