Beotibar pilotalekuan jokatu zen finala, hiru partidetara eta partida bakoitzean bi joko irabaztera. Kadete mailan Tolosako Landa-Lasa bikoteak 10-8 eta 10-2 galdu zuen Sagastibeltza-Ugartemendia bikoaren aurka. Jubenilen mailan Tolosako Perurena-Etxeberria bikoak erraz gailendu zen, 10-0 eta 10-1, Aurrerako Bidart-Alkorta bikoaren kontra. Nagusietan, baina, Aurrerakoak nagusitu ziren: Tolosako Altuna-Aizpuru bikoak 1-10 eta 3-10 galdu zuen Txoperena-Goikoetxea bikoaren aurka.
Txapelketaren antolatzaileen esanetan, harmailetan izugarrizko giroa izan zen eta emozio handiko partidak ikusi ziren Beotibar pilotalekuan. Bide batez, eskerrak eman dizkiote pilota elkarteei, pilotalekuetara joandako zareten zale guztiei, babesleei eta bereziki CMO VALVES enpresari, «kluben liga egiten eta gure ametsa egi bihurtzen laguntzeagatik beste urte batez».