Uztail hasieran ospatzen dituzte Iurramendi auzoko jaiak, sanferminen bueltan, eta ez dute hutsik egiten zezenek nahiz kolore zuri-gorriak. Bada, osteguneko afariarekin ekin zieten aurtengo festei, eta gaur dute azken eguna.
Auzotar ugari elkartu da bazkarian, eta arratsalde polita dute zain. 18:00etan, XIII. Iurramendiko toka txapelketa izango dute. 19:30ean Hidden Garden taldearen kontzertua eta 21:00etan, pizza/burger afaria egingo dute.