Madrilgo Zentro Dramatiko Nazionalak bere ohiko programazioan txotxongilo eta objektu antzerkiko ikuskizunak sartzen ditu, Tolosako Topic zentroko laguntza eta aholkularitzarekin. Lankidetza hori bi aldeen arteko hitzarmenaren fruitu da. 2014. urtetik dago martxan, eta urtero berritzen dute.
Hain justu, herenegun aurkeztu zuten Madrilgo zentroko denboraldi berria. 23 antzezlan izango dira, horietatik 16 estreinaldiak dira eta 9 txotxongilo-muntaia daude Titereszena zikloaren barruan. Ikuskizun horiek Espainiako hiriburuko Valle-Inclán antzokiko Nieva eta Mirlo Blanco aretoetan ikusi ahal izango dira.