ATARIAren Erakutsiz ikasi hezkuntza proiektuak eskualdeko komunikabidea eta bere egitekoa gaztetxoei gerturatzea du helburu. Ikastetxeetako ikasleek ATARIA bisitatzen dute, eta komunikabidearen funtzioa eta helburua ezagutzearekin batera, erredakzioaren funtzionamendua gertutik ikusteko aukera izaten dute. Era berean, komunikabidearen hainbat ataletan parte hartzeko aukera ere izaten dute, hala nola beraiek protagonista diren edukiak webgunean nola sartzen diren ikusten dute eta irratian parte hartzen dute.
Bada, gaurkoan, Tolosako Herrikide ikastetxeko LH 5-6 mailako 21 ikasle izan dira ATARIAn. Erredakzioaren funtzionamenduaren nondik norakoak ikusi dituzte, eta bisitaren azken zatian Ataria irratian izan dira. Bertan jolas batetan parte hartuz ederki pasatu dute.
