Tolosako hainbat zubitan informazio-panelak berritu dituzte azken egunotan. Guztira, zaharkituta zeuden sei panel kendu, eta berriak jarri dituzte bost zubitan: Arrameleko zubian, Naparzubian, Zubiberrian, Euskaldun berria zubian eta kiroldegi ondoko egurrezko zubian.
Panel berriek diseinu bera dute, eta herritarrei zuzendutako mezu argia dute: animaliei jaten ez emateko abisua. Udalak gogorarazi du praktika horrek kalte egin diezaiokeela ibai inguruko faunari eta oreka ekologikoari.
Kiroldegiaren ondoko egurrezko zubian, gainera, panel osagarri bat ere jarri dute, Araxes ibaiari buruzko informazioarekin. Ibai hori Oria ibaiaren ibaiadarra da, eta bere fauna eta flora bereziagatik babestuta dago.