Hegoak, Erroak eta Eroak, eta Oreka Tolosa elkarteek Akrolosa jaialdia antolatu dute. Ostiraletik igandera bitarte hainbat zirku diziplina ekarriko dituzte Tolosako Zerkausiko terrazara. Elkarlanean antolatu dute topaketa eta helburu argia dute: «Komunitatea indartu, esperientzia osasungarriak partekatu eta ingurune naturalarekin konektatzea».
Hiru egunetan tailerrak, erakustaldiak eta zuzeneko musika izango dituzte. Besteak beste, 60 bat pertsona elkartuko dira akroyoga egiteko. «Parte hartzaileek esperientzia zirraragarria bizitzea da gure helburua, gorputza eta burua akroyogaren bidez aktibatuz eta aldi berean, kultura, bizikidetza eta lankidetza sustatuko dugu», esan dute.
Bihar da izena emateko azken eguna.
Egitaraua
Apirilak 24, ostirala
- 16:00: Jaialdiaren hasiera
- 17:00: Akrojam eta akrobingoa
- 20:00: Afaria
Apirilak 25, larunbata
- 09:00-10:00: Prestakuntza fisikoa
- 10:00: Whips / Oihala tailerrak
- 12:00: Icarians / Porteak tailerrak
- 16:00: AkroMix / Bertikalak tailerrak
- 18:00 Poltsiko Lapurra / Malabareak tailerrak
- 22:00 Not Talent show
Apirilak 26, igandea
- 09:00 Yoga
- 10:00: Rolen aldaketa / Slackline tailerrak
- 12:00: Akroflow / Contact tailerrak
- 14:00: Herri bazkaria
- 16:00: Akrojam