Eguraldira gorabehera, jokoan dira X. Nescup txapelketako partidak. Tolosa CF klubak hamargarren urtez antolatu du alebin mailako futbol zortziko txapelketa, eta hamabi talde ariko dira lehian. Lehen partidak 09:30ean hasi dira jokatzen, eta une berean bi partida jokatzen dituzte, bata bestearen alboan osatu baitituzte bi futbol zelai.
Guztira hamabi taldek hartuko dute parte txapelketan: horiekin hiru multzo osatu dituzte, eta bakoitzean lau talde izango dira. A multzoan Bizkerre, Intxaurdi, Touring eta Reala egongo dira. B multzoan Goierri Gorri, Basauriko Kimuak, Tolosa CF eta Vasconia. Eta C multzoan Lagun Onak, Sanse, Mulier eta Martutene.
Goizean multzo bakoitzeko taldeek elkarren aurka jokatuko dute, eta azken partidak 12:50ean hasiko dira. Arratsaldean, berriz, 14:45ean berrekingo diete partidei, eta behin faseak bukatuta, multzo bakoitzeko lehen biak finalerdietarako sailkatuko dira. Azkenik, aurreikusten dute 18:40ean hasiko direla txapeldunen faseko zein kopako faseko finalak.
