Nafarroa etorbidean jarriko dituzten plaken inaugurazioa izango da hitzordu nagusia. Apirilaren 14rako beste bi ekitaldi ere antolatu dituzte. 10:00etan, Errepublikaren bandera altxatuko dute udaletxean. 12:00etan, berriz, omenaldi-ekitaldia eta lore-eskaintza egingo dute hilerrian.
Hurrengo egunean, berriz, Cecilia G. De Guillarte Reportera de guerra y escritora. 1931-1939 Segunda República y Guerra Civil liburua aurkeztuko dute udaletxeko pleno aretoan, 19:00etan hasita. Julen Lezamiz eta Ana Urrutia idazleak eta liburuaren egileak izango dira ekitaldian. Ana María de Izaskun Ruiz de Guillartek gidatuko du saioa. Ceciliaren alaba da, eta Tolosan bizi da 15 urte zituenetik, Mexikotik etorri zenetik.
