Nekea, negarra, irribarreak, txaloak, besarkadak, animoak, errenkak... denetarik ikusi ahal izan da goiz guztian zehar T1T/T2T/T3T proben amaieran.
Korrikalari askok azken metroak etxeko txikienekin konpartitu dituzte, eta beste batzuk etxeko maskotarekin. Bada, proba etxeko txakurrekin lehiatu duenik. Azken batean, azken asteotan prestatutako kirol proba amaitzean, gehienen aurpegietan emozioak azaleratu dira.
Boluntarioak prest ziren korrikalariei jan-edanak eskaintzeko, antolakuntza adi maila bakoitzeko irabazleak iristen zirenerako helmuga-zinta kolokatzeko, eta esatariak adi bertaratutakoak geratzen zen guztiaz ondo informatzeko.
Tolosako mendi maratoiak 10. urteurrena ospatu du gaurkoan, eta eguraldiak lagundu ez badu ere festa gisara bizi izan dute tolosarrek eta Tolosara gerturatutakoek.
Irabazleen berri hemen.
