Jokai konpainiak eskuz egindako eta euskal mitologian inspiratutako sormen-jolasak prestatu ditu gaurkorako. Iaz bezala, Zumardiaundian egitea aurreikusten zituzten antolatzaileek, baina eguraldi kaxkarra dela eta, Herrikide ikastetxeko aterpean eraiki dute mitologia parkea. Hala, haur ugari aritu dira jolasean, baita gurasoak ere, Jon Artola eta Iñaki Urtasun arduradunen gidaritzapean. 14:00ak arte izango da horietan jolasteko aukera.
Gaztetxoek arratsaldean ere izango dute zertaz gozatu. Hain justu, 16:30etan Metamorfosien jokoa haurrentzako ikuskizun interaktiboa izango da ikusgai, eta ondoren, 18:00etan, Matraka Culinary Center musika ikuskizuna. Hala ere, eguna amaitu arte beste hainbat ekintza ere izango dira. Ikusi programazio guztia hemen.