11:30ean iritsi da San Migelgo ate berritua San Frantzisko pasealekuan barna Tolosara. Herritar ugari bildu da Herrikide ikastetxean, eta ikasleekin batera, ongietorria eman die erromesaldiari. Harrera txalaparta doinuz, dantzariekin eta Angel Peñagarikano eta Bixente Gorostidik abestutako bertsoekin alaitu dute.
Andu Martinez de Rituerto alkatea ere bertan izan da, eta hitz batzuk eskaini dizkie Alfonso Garciandia, Aralarko San Migel santutegiko kapilauari eta erromesaldiko beste kideei. Herrikide ikastetxeko ikasleek berriz, hainbat oroigarri eta opari egin dizkiete.
Herritarrek atea ikusteko aukera
Bigarren etapa burutu ostean, San Esteban elkartean erromesaldia egiten ari direnekin bazkaria egiteko baliatu dute Herrikide ikastetxekoek. 17:00etatik 20:00etara, ikastetxeko ateak zabalduko dituzte San Migelgo atea ikusi nahi duten herritarrentzat.
