Badatoz Tolosako inauteriak eta atzo kaldereroek iragarri zuten, ohi bezala, gertu dagoela mozorro festa. Aurtengoan ere egitarau zabala prestatu dute, eta dagoeneko abiatu dituzte azkeneko prestaketa lanak. Esaterako, Zaldunita bezperan, inauterietako egun handien atarian, danbor hotsek hartuko dituzte Tolosako kaleak. Aiz Orratz elkarteak urtero antolatzen duen haurren danborrada izango da egun horretan eta ume askok hartuko dute parte makilak gogor astinduz.
Geltoki kaletik abiatuko dira 17:00etan, eta San Frantzisko ibiltokian zehar ariko dira burrunba egiten. Beranduago, haurrei lekukoa hartuko diete helduek, 19:00etatik aurrera, Tolosako Plaza Zaharrean.