Urtero bezala, Inauterietako Pregoi Kontzertuaren aurreko igandean, Tolosako Udal Txistulari Bandaren eta Udal Musika Bandaren kontzertua izan da Iurreamendi egoitzan. Goizean egin dute, eta beste urteetan ez bezala, egoitzako kaperan jo dituzte inauterietako doinuak.
Txistulariek abiatu dute kontzertua eta doinu herrikoiak eta inauterietako hiru abestirekin osatutako zerrenda jo dute. Horren ostean, bandaren txanda izan da, eta hauek, Pregoi Kontzertuan entzungo diren kantuetako batzuk eta Tolosako txaranga eta elkarteen abestiak uztartu dituzte.
