Segurtasun sailak jakinarazi duenez, motorzale bat hil da gaur eguerdian N-I errepidean, Tolosako Izaskun auzoaren parean eta Irungo noranzkoan, izandako istripu batean.
Istripua 12:20 inguruan izan da eta oraindik argitzeke dauden arrazoiak tarteko, errepidetik atera eta bost metroko altueratik erori da. Ertzaintzako agente batek bihotz-biriketako bizkortzeko maniobra egin dio osasun langileak iritsi diren arte, baina zauri larrien ondorioz, ezin izan dute ezer egin.
