Ezin arrakastatsuagoa izan da gaurko hazi tailerra. Txanda ezberdinak antolatu behar izan dira parte hartzaile kopuruari erreparatuta. Haurrak egunkari potea eskuan, hazia landatuta, pozik itzuli dira etxera.
Geroko irakurleak
Belaunaldi berrietara iristeko saiakera berria egin du gaurkoan ATARIA-k. Leire Rodriguez gidari zutela, txikienek, lehenik, ATARIA egunkariez osatutako ontzia egin dute. Ontzi bera lurrez bete dute, haziak erein dituzte, eta azkenik, ureztatu dituzte. Honela, landatutakoa etxera eraman eta denboraren poderioz ikusiko dute nola hazten den.
Bide batez, metafora lagun, belaunaldi berri hauengan tokiko komunikabidearen eta euskalgintzaren hazia erein nahi izan du ATARIA-k. Hazi txiki hori handi bihurtu dadila eskualdeko etxeetan, transmisioa egin dezatela hurrengo belaunaldientzat.
