Etxeko apalategiak hustu eta objektu ezberdinak Trianguloa plazara eraman dituzte, bigarren bizitza bat bilatu nahian eta hondakin kopurua murriztu asmoz. Erosleak dozena erdi postu artean ibili dira gustukoen bila: liburuak, diskoak, arropa, jostailuak edota etxeko tresneria.
Bestelako ekintzak
Hondakinen Prebentziorako Europako Astearen barruan ekitaldi gehiago ere egin dituzte, Tolosan. Helburua, azken batean, hondakinen prebentzioan sentsibilizatzea, berrerabilpena sustatzea eta ingurumenarekiko kontzientzia kolektiboa indartzea da. Esaterako, asteartean hasita, Zehar Errefuxiatuen Elkartea, zortzi egunez, ari da Oria ibaia garbitzen. Eta bihar, igandea, Adunako ur araztegira bisita gidatua egitekoak baziren ere, haizeteengatik ezarrita dagoen alerta kontuan hartuta, bertan behera geratu da honako ekintza. Tolosako Udaletik jakinarazi dutenez aurrerago data berri batean antolatuko dute aipatu irteera.