Haurren aisialdirako gune berria prest du Tolosak. Larramendi kalean, haur parketik hurbil, kirol anitzeko espazio bat sortu da eta mahai teniseko mahaia jarri dute. Lanak bideratuta, erabilgarri dago jada espazioa. Teqball-eko mahai bat jartzea ere aurreikusten dute, eta aurrerago jarriko dute.
Parte hartze bidezko aurrekontuen iazko prozesuaren bozketan herritarrek aukeratutako proiektuetako bat da, hain zuzen.
Herriko jolastoki eta aisialdirako eremuak eraberritzeko lizitazioaren barruan kokatzen da Larramendiko gune berria. Aurreikuistako lan gehienak amaitu dituzte, eta bakarra falta da lanei amaiera emateko: Iurramendi auzokoa. Aisialdirako gune bat sortuko dute egun haur parkea dagoen plazaren beste aldean: mahai teniseko, teqball-eko eta kanpoko jokoetako mahaiak jarri eta zoruan jolasak margotuko dira. Parkearen zoladura ere berrituko da.
