Jubenilen partidan Arregi-Castro bikoteak irabazi zuen Paraguayren eta Segurolaren aurka 18-13ko emaitzarekin. Promesen mailan, Zabaleta eta Garañok 22-12 lortu zuten garaipena Egurrola eta Beloki bikoaren aurka. Arratsaldeko azken partidan, elite mailakoan, Apezetxea eta Apeztegiak osatutako bikote nafarra izan zen garaile; 22-9 irabazi zioten Egiguren eta Irazustabarrenak osatutako bikoteari.
Bigarren jardunaldiko partidak ostiralean jokatuko dira Tolosako Beotibar pilotalekuan. Jubenil mailan Otaegi-Lopez eta Oses-Etxeberria gipuzkoarren arteko lehia izango da. Ondoren, promesen mailan, Iraeta eta Garcia ariko dira Sarasibar-Erle bikotearen aurka. Azken partidan berriz, J. Alberdi-Bernaola Igoaren eta Apezetxearen aurka lehiatuko dira.
