Joxean Lasa eta Joxi Zabala 1983an bahitu, torturatu eta erail zituen GALek. Hamabi urtez egon ziren desagertuta, eta 1995ean identifikatu zituzten. Senideentzat izan zen, ordea, beste nahigaberik ere: hilkutxak jaso zituztenean ez zieten utzi nahi bezala lurperatzen, eta poliziak indarkeria erabiliz oztopatu zuen hileta. Gertatu zena gertatu zela onartzea izan da Axun Lasarentzat (Tolosa, 1956) kudeatzeko gauza zailenetako bat, eta Pili Zabalak (Tolosa, 1968) «bizitzako latzenak» bezala ditu gogoan anaiak desagertuta pasa zituen urteak. Pasa den urtean, berrogei urte bete zirenean, pairatutako minaz, haserreaz eta emandako bilakaeraz aritu ziren bi arrebak Ataria-rekin.
Atzera begira
41 urte Lasa eta Zabala bahitu, torturatu eta erail zituztela
1983ko urriaren 16ko gauerdian, kalez jantzitako guardia zibilek Joxean Lasa eta Joxi Zabala tolosarrak bahitu zituzten Baionan. Herritarrek gogoan izango dituzte gaur, 19:00etan Tolosako Bentaundin.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!