Gizonezkoetan Aitor Blanco txantrearra eta emakumezkoetan Nagore Azkue tolosarra izan dira helmuga gurutzatzen lehenak, Tolosako XXXVI. Herri Krosean. San Esteban auzoko Ttonttor Kultur Elkarteak urteroko antolatutako lasterketa da honakoa, eta aurten, denera 188 parte hartzaile izan ditu aurtengo edizioak, horietatik 38 emakumeak izan dira.
Aritz Garin billabonatarra irabazlearen atzetik helmugaratu da, bigarren postua lortuz, eta ondoren iritsi da Aitor Regillaga tolosarra ere podiuma osatzera. Emakumezkoetan, berriz, Azkueren atzetik Eneritz Iraola bidaniarra eta Lucia Malcorra tolosarra iritsi dira helmugara. Parte hartzaileek 8,1 kilometro egin dituzte, Tolosako kaleetan.
Helduen lasterketa amaitzean, haurren txanda izan da.
