Larunbatean, urriaren 12an, izango da Tolosako Herri Krosaren XXXVI. edizioa, baita IX. Txiki-Krosa ere, biak ala biak, San Esteban auzoko Ttonttor Kultur Elkarteak antolatuta.
8,1 kilometroko ibilbidea egingo dute helduek: San Esteban, Gernikako Arbola lorategiak, San Frantzisko pasealekua, Araba Etorbidea, San Esteban –zati hau bi aldiz–, Olarrain, Usabal kiroldegia (bidegorritik), Suhiltzaileen parkea, Berazubi, Martin Jose Iraola, Zezen plaza, Lizardi plaza (espaloitik), Zumalakarregi pasealekua, Trianguloa plaza, Zerkausia kalea, Plaza Zaharra, Kale Nagusia, Rondilla kalea, San Frantzisko pasealekua, Araba Etorbidea eta San Esteban.
11:00etan abiatuko dira korrikalariak, eta proba hasten denetik, pasatzen diren arte, ibilbideko puntu horien inguruan trafikoa erabat moztuko dute. Korrikalariak pasa ahala zabalduko dute berriro ere errepidea.
