Tolosaldeako sortzaileen azokarekin agurtu zuten atzo Kultura Plazara jaialdiaren aurtengo edizioa. Ostiralean abiatu zuten egitasmoa, eta hiru egunetan zehar izan da zer ikusi Zumardiaundian. Izan ere, musikak ez zuen hutsik egin, eta euskal talde ospetsu askok girotu dute asteburua.
Ostiralean, Amaia Elizaran eta Neonymusek zabaldu zuten jaialdia, eta ondoren, Janus Lester, Belako eta DZ Zigorren txanda izan zen. Larunbatean, berriz, Mikel Urdangarin izan zen oholtzara igotzen lehena, eta atzetik izan zituen Mugan taldea eta DJ Makala. Bertan, tragoa hartu edo mokadu baterako tartea ere izan zuten bertaratu zirenek.