Kultura Plazara jaialdia amaitu da. Hiru egunetan zehar kulturaz busti da Zumardiaundia. Lehen bi egunetan, dantza eta musika ikuskizunak izan ziren, eta jaialdia ixteko, Tolosaldeko sortzaileen azoka egin dute gaur goizean. Guztira, hamazazpi erakusmahai izan dira, eta askotariko sorkuntza lanak ikusi eta erosteko aukera izan da, hala nola artelanak, arropak, serigrafia lanak, oihalekin egindako lanak eta bitxiak. Erakusmahaiez gain, kandelak egiten eta koadernatzen ikasteko tailerrak eskaini dituzte, eta mokadurako tartea ere izan da bertan.