ArantzazuLab, Kutxa Fundazioa eta Kalea(n) Bizi egitasmoak antolatutako Hitzetik Ekintzetara ekimenaren Topa! jaialdia egin dute gaur goizean zehar Tolosako udaletxearen osoko bilkura aretoan. Leire Olano Kutxa Fundazioaren kideak azaldu duenez, Hitzetik Ekintzetara egitasmoaren helburua da «herritarren aktibazioa eta parte hartzea sustatzea Agenda 2030aren inguruan. Aurten izan da bigarren urtea martxan jarri dela, eta maiatza eta ekaina bitartean Gipuzkoan zehar ekintza ezberdinak egin dira, Klik izenekoak, herritarrengana iristeko. Klik horiek sortu dira elkarte ezberdinen baitan, elkarlan batzuk sortuta edo jada martxan dauden proiektu batzuei bultzada emanda. Guztira hamasei ekintza egin dira, eta gaurko ekitaldiarekin itxiera eman zaio egitasmoari».
Urtero garapen jasangarriko helburu bat hartu izan da Hitzetik ekintzetara egitasmoan, eta aurtengoa hamaikagarrena izan da, «hiri eta komunitate jasangarriena», Olanok azaldu duenez. «Horren barruan, hiru gai jorratu dira egitasmoan zehar: ongizate mentala, bakardade ez aukeratua eta belaunaldiartekotasuna».
Informazio gehiago albiste honetan