Zortzi urteren ondoren berriro ere abian da XIV Orduak martxa. Aralarko Adiskideak elkarteak antolatuta 1.588 lagunek eman dute izena aurtengo edizioan eta gehientsuenak gerturatu dira Paper kaleko irteera puntura. 05:00etan atera dira lehenengo mendizaleak, eta ordena mantenduz, minutuero beste 55 parte hartzaile irten dira.
Artean ateri zela abiatu dira mendizaleak, lehenengo pausoak eman ahala lehenengo tantak bota ditu, baina parte hartzaileak ez dira kikildu. Umore onez eta gogotsu ekin diote bideari, Aralarrek eskaintzen dituen parajeez gozatzeko prest.
