Asteleheneko aparteko osoko bilkuran, 907.930 euroko kreditu aldaketa onartu zuen Tolosako udalbatzak, aho batez, udal langileen lanpostuen balorazioko atzerapenak ordaintzeko.
2022. urtean onartu zen lanpostuen balorazioa, atzera eraginkortasunarekin, eta aldaketak ekarri zituen udal langile batzuen zereginetan, baita ordainsarietan ere.
Hala, aldaketa horiek sortutako 2020. urteari zegokion ordainsarien atzerapena iazko uztailean ordaindu zitzaien, ordutik eguneratuta egiten da ordainketa. Aldiz, 2021, 2022 eta 2023. lehen seihilabeteko atzerapenen ordainketa egiteke zegoen. Kreditu aldaketa hau eginda, ordainketa horiek egiteko bide emango da.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
