Joseba Olaetxeak Barakaldoko IX. Tech krosa irabazi du. 10 kilometroko proba 32.24ko denborarekin amaitu zuen tolosarrak. Bigarren Juan Carrascal izan zen, 32.37rekin, eta hirugarren Koldo Ayesta, 32.45eko markarekin.
Bestalde, Santio Bidearen Maratoi Erdian, Errioxako Naiara eta Santo Domingo de la Calzada artean jokatutakoa, Alpino Uzturre elkarteko Enara Agote eta Iñaki Lopetegi podiumera igo ziren, senior mailako lehen postua lortuta. Agote zazpigarren izan zen emakumezkoen sailkapen orokorrean, eta Lopetegi 13. gizonezkoen sailkapen orokorrean.