Gernika Palestina herri ekimenak deituta ekitaldi desberdinak egiten ari dira hainbat herritan, eta horietako bat izan da Tolosa. Palestinako herriak bizi duen egoera gogorarazi nahi izan dute eta horretarako, batetik, palestinarren egunerokoa erakusten duten hainbat argazki jarri dituzte Trianguloan eta, bestetik, diru ekarpena egiteko aukera eskaini dute San Frantzisko pasealekuan. Ekimenaren helburua bikoitza dela gogoratu du ekimeneko kide den Aritz Lopezek; Gazako herritarren artean gizarte egiturak berreraikiko dituen proiektu humanitarioak finantzatzea Mundubat GKEaren bidez eta Benjamin Netanyahu Israelgo lehen ministroa Nazioarteko Zigor Auzitegian epaitzeko, legelari palestinarrek martxan duten ekimena ekonomikoki laguntzea.
Diru ekarpenak egiteko aukera egon da gaur, Tolosan, baina badaude bide gehiago ere. ES05 3035 0083 24 0830140015 (Laboral Kutxa) kontuan sartu daiteke dirua eta ekarpena Bizum bidez egiteko aukera ere zabaldu dute; bakoitzaren banketxearen aplikazioaren bitartez egin daiteke eman/donar atalean Mundubat Fundazioa bilatuta edo erabili 08736 kodea erabilita.
Herri ekimenak manifestazio nazionala deitu du martxoaren 17rako, Donostian.